RSS Feed
Twitter
2:18 AM
Unknown
ការចំណាយពេលធ្វើការច្រើនម៉ោងក្នុងមួយថ្ងៃៗ ការខំប្រឹងធ្វើការដោយមិនគិតទៅដល់ការសម្រាក ពុំមែនសុទ្ធតែនាំឲ្យចំណេញពេលវេលា ប្រាក់ចំណូល និងសុខភាពអ្នកនោះទេ។ វិធីមួយដែលគេឲ្យឈ្មោះថា «ការបំពេញការងារប្រកបដោយភាពឆ្លាតវៃ» ជាគន្លឹះជួយសហគ្រិន ក៏ដូចជាអ្នកធ្វើការងារទាំងអស់ បំពេញការងារបានជោគជ័យ និងប្រកបដោយប្រសិទ្ធភាព។
កត្តាដ៏សំខាន់មួយដែលពេលខ្លះលោកអ្នកមួយចំនួនមើលរំលង គឺការសង្កត់ធ្ងន់លើការប្រើខួរក្បាលឲ្យឆ្លាតវាងវៃ មិនមែនអាងតែលើកម្លាំងបាយ ឬប្រឹងធ្វើការតែមួយមុខនោះទេ។ ការទទួលដំណេកគ្រប់គ្រាន់ ការធ្វើលំហាត់ប្រាណគ្រប់គ្រាន់ ការលម្ហែអារម្មណ៍ សុទ្ធសឹងជាកត្តាសំខាន់។ ខាងក្រោមនេះ ជាគន្លឹះងាយៗប្រាំយ៉ាង។
១-សម្រាកឲ្យបានគ្រប់គ្រាន់ៈ
បើធម្មជាតិតម្រូវឲ្យធ្វើដូចម្តេចត្រូវធ្វើតាមវា ត្រូវបណ្ដោយចិត្តទៅតាមតម្រូវការនៃជីវិតធម្មជាតិរបស់មនុស្ស។ ពាក្យខ្មែរថា «សន្សឹមៗកុំបំបោល ក្រែងពុំដល់ដូចប្រាថ្នា»។ ពេលខ្លះយើងគិតថាប្រឹងធ្វើការក្រែងចំណេញពេល តែវាបែរជាមិនចំណេញ ទៅជាខាតទៅវិញ។ ឧទាហរណ៍ មនុស្សម្នាក់ខំធ្វើការនោះខំ លុះដល់ថ្ងៃមួយ ធ្លាក់ខ្លួនឈឺគ្រឹប ត្រូវចំណាយលុយដែលខំរកបាននោះ ឬមិនត្រឹមប៉ុណ្ណឹងលក់ផ្ទះលក់សម្បែងមើលខ្លួនថែមទៀត ហើយខាតទាំងពេលវេលារកស៊ី។
បើធម្មជាតិតម្រូវឲ្យធ្វើដូចម្តេចត្រូវធ្វើតាមវា ត្រូវបណ្ដោយចិត្តទៅតាមតម្រូវការនៃជីវិតធម្មជាតិរបស់មនុស្ស។ ពាក្យខ្មែរថា «សន្សឹមៗកុំបំបោល ក្រែងពុំដល់ដូចប្រាថ្នា»។ ពេលខ្លះយើងគិតថាប្រឹងធ្វើការក្រែងចំណេញពេល តែវាបែរជាមិនចំណេញ ទៅជាខាតទៅវិញ។ ឧទាហរណ៍ មនុស្សម្នាក់ខំធ្វើការនោះខំ លុះដល់ថ្ងៃមួយ ធ្លាក់ខ្លួនឈឺគ្រឹប ត្រូវចំណាយលុយដែលខំរកបាននោះ ឬមិនត្រឹមប៉ុណ្ណឹងលក់ផ្ទះលក់សម្បែងមើលខ្លួនថែមទៀត ហើយខាតទាំងពេលវេលារកស៊ី។
«ថយក្រោយមួយជំហាន ដើម្បីទៅមុខ១០ជំហាន» ត្រូវយកពេលសម្រាកខ្លះ កុំបង្ខំ។ លោកអ្នកត្រូវយកពេលសម្រាកខ្លះ នឹងអាចបានឋាមពលកាយ និងឋាមពលចិត្តមកវិញ ដែលគេហៅថា «ស្ដារកាយពល»។ ត្រូវចាំថា កោសិកាខួរក្បាល តែកាលណាស្លាប់ហើយមិនដុះឡើងវិញដូចកោសិកាសរីរាង្គដទៃទៀតទេ ដូចនេះលោកអ្នកត្រូវយកចិត្តទុកដាក់ជាពិសេសចំពោះខួរក្បាល។
២-គេងមួយស្របក់
វិធីមួយចំណោមវិធីមានប្រសិទ្ធភាពបំផុត ក្នុងការជំរុញឲ្យខួរក្បាលបំពេញមុខងាររបស់ខ្លួនយ៉ាងសកម្ម គឺលៃពេលឲ្យខួរក្បាលសម្រាកគ្រប់គ្រាន់។
វិធីមួយចំណោមវិធីមានប្រសិទ្ធភាពបំផុត ក្នុងការជំរុញឲ្យខួរក្បាលបំពេញមុខងាររបស់ខ្លួនយ៉ាងសកម្ម គឺលៃពេលឲ្យខួរក្បាលសម្រាកគ្រប់គ្រាន់។
ការសិក្សាស្រាវជ្រាវបង្ហាញថាការ «គេងមួយស្របក់» ជួយបង្កើនសមត្ថភាពខួរក្បាលផ្នែកពុទ្ធិ ផ្នែកគិត និងផ្នែកចងចាំ។ ជាពិសេស ចំពោះសិស្ស/និស្សិតដែលកំពុងសិក្សា ការគេងមួយស្របក់ ផ្ដល់គុណតម្លៃសម្រាប់ការសិក្សា ព្រោះវាធ្វើឲ្យអារម្មណ៍មូល ស្ដាប់គ្រូពន្យល់ឆាប់ចូល ហើយក៏មិនងាយភ្លេចទៅវិញដែរ។
ការគេងមួយស្របក់ជួយធ្វើឲ្យខួរក្បាលប្រមូលការចងចាំបានល្អ។ គេបានធ្វើពិសោធន៍មួយនៅក្នុងការប្រឡង។ សិស្សខ្លះគេងមួយស្របក់សិនមុននឹងធ្វើលំហាត់ប្រឡង រីឯសិស្សមួយក្រុមទៀតខំប្រឹងទន្ទេញមេរៀន អត់គេងទេ។ លទ្ធផលបង្ហាញថាសិស្សដែលគេងមួយស្របក់ មានសមត្ថភាពដោះស្រាយវិញ្ញាសាប្រឡងបានប្រសើរជាងសិស្សមិនគេង។
៣-ចំណាយពេលចូលក្នុងពិភពធម្មជាតិ ឧស្សាហ៍ផ្សារភ្ជាប់ខ្លួនទៅនឹងបរិស្ថានធម្មជាតិ
គេគួរចំណាយពេលក្នុងពិភពធម្មជាតិ ដើម្បីសម្រួល ឬផ្លាស់ប្ដូរបរិយាកាស និងលម្ហែចិត្ត។ សាកស្រមៃថាប្រសិនបើលោកអ្នកដើរនៅលើដងផ្លូវនៅតំបន់ទីប្រជុំជន ធៀបនឹងដើរនៅក្នុងសួនច្បារដែលមានបរិយាកាសស្ងប់ស្ងាត់សម្រាប់ការសង់ទីម៉ង់។
គេគួរចំណាយពេលក្នុងពិភពធម្មជាតិ ដើម្បីសម្រួល ឬផ្លាស់ប្ដូរបរិយាកាស និងលម្ហែចិត្ត។ សាកស្រមៃថាប្រសិនបើលោកអ្នកដើរនៅលើដងផ្លូវនៅតំបន់ទីប្រជុំជន ធៀបនឹងដើរនៅក្នុងសួនច្បារដែលមានបរិយាកាសស្ងប់ស្ងាត់សម្រាប់ការសង់ទីម៉ង់។
ការសិក្សាស្រាវជ្រាវបង្ហាញថាដើរនៅតាមផ្លូវអ៊ូអរ ខួរក្បាលនៅតែមិនបានសម្រាកដដែល ព្រោះត្រូវប្រុងប្រយ័ត្នជាប់ខ្លាចរថយន្តបុកខ្លាចម៉ូតូបុកខ្លាចចោរឆក់កាបូប។ល។ ផ្ទុយទៅវិញ ប្រសិនបើលោកអ្នកដើរនៅក្នុងសួនឬឧទ្យាន លោកអ្នកនឹងទទួលអារម្មណ៍ថាបានល្ហែល្ហើយចិត្ត។
ចំពោះសិស្ស សិស្សមានអារម្មណ៍ជាប់លាប់នឹងការសិក្សារៀនសូត្រពេលបានស្ថិតនៅក្នុងបរិស្ថានធម្មជាតិ ជាជាងនៅតែក្នុងថ្នាក់រៀនតែមួយមុខ។
ចំពោះសិស្ស សិស្សមានអារម្មណ៍ជាប់លាប់នឹងការសិក្សារៀនសូត្រពេលបានស្ថិតនៅក្នុងបរិស្ថានធម្មជាតិ ជាជាងនៅតែក្នុងថ្នាក់រៀនតែមួយមុខ។
៤-កុំនៅស្មុគមួយកន្លែង
លោកអ្នកអាចយកកិច្ចការទៅធ្វើនៅហាងលក់របស់ហូបចុក ដូចជាស្តាម៉ាត ហាងកាហ្វេ កន្លែងធ្វើការ។ល។ គឺរកវិធីធ្វើយ៉ាងដូចម្ដេចឲ្យតែអាចបញ្ចប់កិច្ចការបាន។
បើលោកអ្នកធ្វើការមួយកន្លែង ចូរបំបែកកិច្ចការដែលត្រូវធ្វើ ជាចម្រៀកៗ ហើយខ័ណ្ឌវាជាកង់ៗដើម្បីងាយស្រួលបញ្ចប់។ ពេលបញ្ចប់មួយគន្លាក់ហើយ លោកអ្នកអាចសម្រាកមួយភ្លែតសិនសឹមបន្តទៅកិច្ចការមួយទៀត។
៥-បើកអ៊ីមែលមើលពីព្រលឹម
ប្រសិនបើលោកអ្នកធ្វើការនៅក្នុងក្រុមការងារដែលស្ថិតនៅដាច់ឆ្ងាយពីគេ លោកអ្នកនឹងដឹងថាតើវាប្លែកគ្នាយ៉ាងដូចម្ដេចខ្លះពេលក្នុងក្រុមការងារជាមួយគ្នា បុគ្គលិកខ្លះនៅប្រចាំការ បុគ្គលិកខ្លះគេង។ ពិសេសពេលលោកអ្នកធ្វើការជិតស្និទ្ធជាមួយមិត្តរួមការងារ សំខាន់លោកអ្នកគួរពិនិត្យមុននឹងផ្ដើមធ្វើការងារ ដើម្បីឲ្យច្បាស់ថាលោកអ្នកកំពុងស្ថិតនៅលើគេហទំព័រតែមួយដូចអ្នករួមក្រុម។
លោកអ្នកគួរឆែកអ៊ីមែលសិនមុននឹងចាប់ផ្ដើមការងារដទៃទៀតនៅពេលព្រឹក ធ្វើដូចនេះនឹងមានប្រយោជន៍។ អ្នកខ្លះមានទម្លាប់ពិនិត្យមើលចរន្តការងាររបស់ខ្លួនទាល់តែយប់ជ្រៅឯណោះ ពេលហ្នឹង គេចូលគេងអស់ហើយ។ អ្នកខ្លះច្រើនភ្ញាក់ពីគេងហើយឆែកមើលអ៊ីមែល តើមានអ្វីខ្លះប្រែប្រួល និងឆែកមើលតើអតិថិជន គេមានមតិអ្វីខ្លះ?
0 comments:
Post a Comment