RSS Feed
Twitter
1:34 AM
Unknown
ជាទូទៅតួនាទីជានាយកប្រតិបត្តិ ឬជាភាសាអង់គ្លេសហៅថា CEO គឺជាមុខតំណែងដឹកនាំថ្នាក់កំពូលនៅក្នុងក្រុមហ៊ុនមួយ ហើយជាទូទៅ ជាបុគ្គលដែលមានចំណេះដឹងជ្រៅជ្រះ មានលក្ខណៈសម្បត្តិគ្រប់គ្រាន់ជាអ្នកដឹកនាំ និងពោរពេញដោយបទពិសោធន៍។ បើនិយាយពីអាយុវិញ ក៏មិនក្រោម ២៥ឆ្នាំដែរ។ ដោយឡែក តែនាយកប្រតិបត្តិខាងក្រោមពីរនាក់នេះ គឺមានអាយុតែជាង ១០ឆ្នាំប៉ុណ្ណោះ។ តើអ្នកទាំងពីរមានលក្ខណៈពិសេសយ៉ាងណា?
១) កុមារ Harli Jordean
កុមារ Harli Jordean មានអាយុ ១១ឆ្នាំជានាយកប្រតិបត្តិក្មេងជាងគេបំផុតក្នុងលោក។ ក្រុមហ៊ុនដែលរូបគេកំពុងដឹកនាំគឺមានឈ្មោះថា Marble King ជាក្រុមហ៊ុនលក់ថ្មកែវ (marble) នៅចក្រភពអង់គ្លេស។ គេបានក្ដោបក្ដាប់តំណែងជានាយកប្រតិបត្តិនេះគឺតាំងពីមានអាយុ ៨ឆ្នាំមកម្ល៉េះក៏ប៉ុន្តែមិនទាន់បានតែងតាំងជាផ្លូវការនៅពេលនោះ។
ម្ដាយរបស់ CEOក្មេងជាងគេបំផុតខាងលើ គឺអ្នកស្រី Tina បានរៀបរាប់ថា កូនរបស់អ្នកស្រីម្នាក់នេះបានចូលប្រឡូកការងារក្នុងក្រុមហ៊ុនថ្មកែវខាងលើ ដោយបានបំពេញតួនាទីជាអ្នករើសថ្មកែវតាំងពីរូបគេមានអាយុ ៦ឆ្នាំមកម្ល៉េះ ហើយក្រោយមកក្រុមហ៊ុនក៏បានតែងតាំងគេជានាយកប្រតិបត្តិក្រុមហ៊ុននេះតែម្ដង។
ក្រុមហ៊ុនលក់ថ្មកែវ Marble King គឺជាក្រុមហ៊ុនមានលក្ខណៈគ្រួសារ ហើយបច្ចុប្បន្នក្រុមហ៊ុននេះមានលក់ថ្មកែវពិសេសដែលមានតម្លៃចាប់ពី ១ពាន់ដុល្លារឡើងទៅ។
២/ យុវតី Sindhuja Rajaraman
នាងជានាយកប្រតិបត្តិក្រុមហ៊ុនផលិតផលគំនូរជីវចល Seppan.com របស់ប្រទេសឥណ្ឌា។
មិនដូច Harli Jordean ទេ យុវតីជនជាតិឥណ្ឌាម្នាក់នេះគ្មានគ្រួសារជាម្ចាស់ក្រុមហ៊ុន ឬមានសាច់ញាតិជាម្ចាស់ក្រុមហ៊ុនដែលលើកបន្តុបនាងឱ្យធ្វើជានាយកប្រតិបត្តិឡើយ។
តំណែងជា CEO ខាងលើគឺបានពីសមត្ថភាពពិតៗរបស់នាង។ ក្រុមហ៊ុន Seppan.com បានរៀបចំកម្មវិធីប្រកួតប្រជែងផលិតរឿងគំនូរជីវចលមួយដើម្បីជ្រើសរើសយកអ្នកពូកែជំនាញនេះ។ អ្វីដែលគេចាប់អារម្មណ៍នោះគឺ យុវតីខាងលើបានចំណាយពេលត្រឹមតែ ១០ម៉ោងប៉ុណ្ណោះ សម្រាប់ផលិតភាពយន្តតុក្កតាដែលមានរយៈពេល ៣នាទី។ ដោយឃើញសមត្ថភាពពូកែបែបនេះ ក្រុមហ៊ុនបានតែងតាំង Sindhuja Rajaraman ឱ្យធ្វើជានាយកប្រតិបត្តិទាំងសិក្សាមិនទាន់ចប់ថ្នាក់វិទ្យាល័យផង។
កាលពីឆ្នាំ២០១៣ នាងរៀននៅវិទ្យាល័យ Velammal Matriculation ថ្នាក់ទី១១ នៅ Chennai នៃប្រទេសឥណ្ឌា។ ទេពកោសល្យលើការផលិតគំនូរជីវចលរបស់នាងគឺកើតចេញពីអារម្មណ៍ស្រលាញ់ការងារនេះ បន្សល់ពីឪពុក ខណៈដែលឪពុកនាងជាជាងគំនូររូបថ្លុក។ នាងបានចាប់ផ្តើមរៀនជំនាញផលិតគំនូរជីវចលនៅឆ្នាំ២០១៣ ហើយនាងបានចូលរួមការប្រកួតប្រជែងដែលរៀបចំដោយក្រុមហ៊ុនខាងលើតែម្ដង។
ភាពយន្តតុក្កតារយៈពេល ៣នាទី ដែលនាងប្រើពេលតែដប់ម៉ោងដើម្បីផលិតនោះគឺបានក្លាយជាភាយយន្តគំនូរជីវចលផលិតបានលឿនបំផុតក្នុងលោកដែលទទួលស្គាល់ និងកត់ត្រានៅក្នុងសៀវភៅហ្គីណេសពិភពលោក៕
១) កុមារ Harli Jordean
កុមារ Harli Jordean មានអាយុ ១១ឆ្នាំជានាយកប្រតិបត្តិក្មេងជាងគេបំផុតក្នុងលោក។ ក្រុមហ៊ុនដែលរូបគេកំពុងដឹកនាំគឺមានឈ្មោះថា Marble King ជាក្រុមហ៊ុនលក់ថ្មកែវ (marble) នៅចក្រភពអង់គ្លេស។ គេបានក្ដោបក្ដាប់តំណែងជានាយកប្រតិបត្តិនេះគឺតាំងពីមានអាយុ ៨ឆ្នាំមកម្ល៉េះក៏ប៉ុន្តែមិនទាន់បានតែងតាំងជាផ្លូវការនៅពេលនោះ។
នាងជានាយកប្រតិបត្តិក្រុមហ៊ុនផលិតផលគំនូរជីវចល Seppan.com របស់ប្រទេសឥណ្ឌា។
មិនដូច Harli Jordean ទេ យុវតីជនជាតិឥណ្ឌាម្នាក់នេះគ្មានគ្រួសារជាម្ចាស់ក្រុមហ៊ុន ឬមានសាច់ញាតិជាម្ចាស់ក្រុមហ៊ុនដែលលើកបន្តុបនាងឱ្យធ្វើជានាយកប្រតិបត្តិឡើយ។
0 comments:
Post a Comment