RSS Feed
Twitter
2:11 AM
Unknown
ជាក់ស្ដែង តម្លៃភាគហ៊ុនបោះផ្សាយលក់ជាសាធារណៈរបស់ក្រុមហ៊ុន ហ្រ្គេន ធ្វីន (Grand Twins ) អ៊ិនធើណេសិនណល(ខេមបូឌា) ភីអិលស៊ី ត្រូវបានអ្នកជំនាញវិនិយោគលើកឡើងថា ហ៊ុននេះមានតម្លៃថ្លៃក្នុងវិស័យកាត់ដេរ បើប្រៀបហ្នឹងប្រទេសជិតខាង ប៉ុន្តែឈ្មួញជើងសា បកស្រាយថា តម្លៃហ៊ុនរបស់ក្រុមហ៊ុននេះមិនថ្លៃទេ ព្រោះតម្លៃរបស់វាត្រូវបានគិតតាមតម្លៃ P/E។ តើ P/E ជាអ្វី?
លោក Thomas Hugger នាយកប្រតិបត្តិការ និងជាអ្នកគ្រប់គ្រងក្រុមហ៊ុន Asia Frontier Capital ត្រូវបានសារព័ត៌មានក្នុងស្រុកដកស្រង់សម្ដីរបស់លោក មកចុះផ្សាយថា តម្លៃភាគហ៊ុនបោះផ្សាយលក់ជាសាធារណៈលើកដំបូងរបស់ក្រុមហ៊ុនហ្គ្រេនធ្វីនគឺខ្ពស់ណាស់បើធៀបនឹងក្រុមហ៊ុនកាត់ដេរនៅក្នុងតំបន់។
លោក ប៊ុន ចាន់តារា មន្ត្រីក្រុមហ៊ុនមូលបត្រ ភ្នំពេញ ស៊ីឃ្យួរឹធី ភីអិលស៊ី លើកឡើងថា តម្លៃហ៊ុននេះនៅទាបទេ ព្រោះវាត្រូវបានគិតជា P/E ។ តម្លៃ P/E របស់ក្រុមហ៊ុនគឺត្រឹមតែ ១១ ដែលជាតម្លៃទាប បើប្រៀបហ្នឹងតម្លៃ P/E នៅឯក្រៅប្រទេសដែលមានតម្លៃចាប់ពី ១៥ រហូតដល់ទៅ ២៥ ។ លោកបន្ថែមថា ជាទូទៅបើ P/E ស្តិតក្រោម ១៣ តម្លៃហ៊ុននឹងមានតម្លៃទាប។
P/E (Price-Earnings) ត្រូវបានកំណត់ថា អនុបាត (Ratio) P/E ដែលជាសន្ទស្សន៍មួយ ក្នុងចំណោមសន្ទស្សន៍ផ្សេងទៀតអ្នកវិនិយោគប្រើសម្រាប់វិភាគដើម្បីសម្រេចចិត្តវិនិយោគភាគហ៊ុនក្នុងផ្សារមូលបត្រ។ សន្ទស្សន៍ P/E វាស់ពីកម្រិតទំនាក់ទំនងរវាងតម្លៃផ្សារ (Market Price – P) និងចំណូលដែលទទួលបានពីភាគហ៊ុននីមួយៗ (Earning Per Share – EPS) ។ រូបមន្តគណនា P/E = P/EPS។
ឧទាហរណ៍៖ តម្លៃមួយហ៊ុនរបស់ក្រុមហ៊ុនមួយកំពុងជួញដូរ ក្នុងតម្លៃ ៤៣ដុល្លារ រីឯចំណូលនៃភាគហ៊ុនក្នុងរយៈពេល ១ឆ្នាំ គឺ ១,៩៥ដុល្លារក្នុងមួយហ៊ុន ដូច្នេះ P/E = ២២,០៥ (៤៣/១,៩៥)៕
0 comments:
Post a Comment